(MENAFN- Youm7) تحدث المخرج ياسر سامي ، عن كواليس تصوير مسلسل النهاية بطولة النجم يوسف الشريف، الذي عرض منذ سنوات وحقق شعبية كبيرة آنذاك، أثناء تواجده ضيفاً في بودكاست الشغلانة الذي يقدمه الناقد الفني آسر أحمد، ويناقش من خلاله كواليس صناعة السينما والدراما.

وقال المخرج ياسر سامي "مسلسل النهاية كان تجربة نفسي فيها، كانت دعوتي لربنا إنها تتحقق، كان نفسي أعمل تجديد، عملت تجديد في الكليبات ودا ظهر من رد فعل الناس، ولكن في المسلسلات عمل ضخم، كان مسلسل أول مرة يتعمل على الذوق العربي، كنت خايف لان فشله يقعدك في البيت مدي الحياة".

وأضاف قائلاً "اجتهدت على قد ما قدرت لتقديم مسلسل النهاية، يوسف الشريف ممثل جرىء، والمؤلف عمرو سمير عاطف عنده خبرة قوية جداً لتقديم هذا النوع، وتامر مرسي منتج قلبه ميت يعني، قالك يلا نعمل الجديد، وكان معايا نجوم كتير محظوظ بيهم، والحاجة الوحيدة اللى غيرتها في المسلسل، قلت اني مش عاوز ابدأ بمشاهد فيها تكنولوجيا أوي".

وتابع "من الحاجات الغريبة في المسلسل إني من كتر ما جسدت هذا الشىء في ناس شافت إننا بنتكلم عن زوال إسرائيل في 2120، وكلمني ناس من إسرائيل في التليفزيون وقالولي حضرتك بتتخيل زوال إسرائيل في 2120 ؟ قولتلهم لما يجي سنة 2120 نبقي نتكلم، ووزير الخارجية الإسرائيلي أتكلم في بوست ان في مسلسل اسمه النهاية متوقع زوال إسرائيل في 2120، طب ما أتوقع عادي، ما انتوا لسه شايفنا ماشيين بجمل وفي صحراء ومفيش أي تطور، وبلدنا دلوقتي فيها تطور كبير جداً يوازي عوالم الدول الأولى".

MENAFN25092026000132011024ID1111714599