زينة: اتخضيت من جري الناس عليّ بعد ورد وشوكولاته دى لقطة النجاح الكبير

2025-12-04 04:15:56

(MENAFN- Youm7) أكدت النجمة زينة أنها تلقت ردود أفعال قوية جداً عن دورها في مسلسل ورد وشوكولاته الذى قامت ببطولته وانتهى عرض حلقاته مطلع هذا الأسبوع، مشيرة في ندوة اليوم السابع إلى أنها شعرت باندهاش حقيقي من حجم النجاح وحالة التفاعل الجماهيرى مع العمل والدور وذلك شاهدته على أرض الواقع وفى الشارع.

ردود أفعال كبيرة بعد عرض مسلسل ورد وشوكولاته

وقالت زينة:"أنا شفت ردود أفعال كبيرة قوي، بجد اتخضيت، الحمد لله يا رب. لسه قريب كنت في أوتيل استعدادًا لمهرجان القاهرة، ولقيت ناس بتجرى عليّ، ناس من الكويت ودول عربية، بيجروا جري غير طبيعي عشان يسلموا عليّ، فطبيعى إن حد يقوم يسلم عليّ لو أنا معدية، لكن المشهد اللي شوفته، ناس بتجري وبتعمل مجهود كبير، دي لقطات ما بتحصلش غير بعد نجاح كبير، وأنا عارفاها كويس".

ردود الفعل الحقيقية تأتي من الشارع لا السوشيال ميديا

وأوضحت زينة أن السوشيال ميديا لا تكون دائماً معياراً دقيقاً للنجاح، قائلة:"في السوشيال ميديا ساعات بنشوف حاجات مش ناجحة ونلاقي عليها ردود أفعال كبيرة. لكن أنا رد الفعل الحقيقي بشوفه في الشارع... لأن بعد كل نجاح باختفي وبارتا، "زمان كنت أنزل أماكن لما أحقق نص نجاح، كنوع من إثبات النجاح، لكن دلوقتي، أنا ما بضحكش على نفسي".

ثقتها في نفسها تأتي من احتكاكها بالناس

وأشارت زينة إلى أنها لا تعتمد على الألقاب أو الشعارات لتقييم نفسها، قائلة:"أنا عمري ما قلت ده إحنا نمرة واحد. ولا عمري ضحكت على نفسي. أنا عارفة إذا كنت اتأخرت ولا لأ، نجحت ولا لأ، لأني بشوف ده بعيني في الشارع فأنا شخص مختلط بالناس، بروح السوبر ماركت، النادي، الجيم. وبشوف تعامل الناس، وده بيبينلي حاجات كتير".

تقدّر النقد الصادق وترفض المجاملات

وأكدت زينة أنها من الأشخاص الذين يتقبلون النقد الحقيقي ويعتبرونه وسيلة للتطور، قائلة:"أنا عندي أصحاب، ممكن يقولولى في وشي حاجة وحشة، وأنا بسمع، مش من النوع اللي بيضحك على نفسه، وده أخطر نوع على فكرة، أنا ممكن ما اسمعكيش لو بتمدحي، بس أسمعك قوي لو بتنتقديني في حاجة صح، لأن ده اللي يفيدني".

وأوضحت مثالًا:"لو حد بيقول غيّرى تسريحة شعرك، لا، مش هسمع، أنا عجباني كده، واحد النهاردة كاتب إنى لابسة باروكة! ماشى، لكن لو حد قال نقد حقيقي في الشغل، أسمعه جداً جداً، وأنا أصحابى اللى قريبين منى أكتر ناس بسمع منهم العيوب قبل المميزات، لأن ده اللى بيخلينى أبقى أحسن، مافيش حد من غير غلط، بس غلطاتنا بتقل لما نسمع الصح".

اليوم السابع يُكرم زينة كرّم اليوم السابع النجمة زينة عن دورها المميز في مسلسل ورد وشوكولاتة، الذي حقق نجاحاً كبيراً خلال الأسابيع الماضية، حيث تألقت زينة في تجسيد شخصية "مروة"، ونالت إعجاب الجمهور والنقاد على حد سواء، بفضل أدائها القوي والمشاهد المؤثرة التي قدمتها، سواء في لحظات الانفعال أو في المشاهد الإنسانية العميقة التي أضفت عليها طابعاً مميزاً.
النجمة زينة فى ندوة اليوم السابع

زينة تتحدث عن ورد وشوكولاته فى ندوة اليوم السابع

زينة خلال ندوة اليوم السابع

زينة فى ندوة اليوم اليوم السابع
اليوم السابع يحتفل مع زينة بنجاحها فى مسلسل ورد وشوكولاته
تكريم زينة فى اليوم السابع
جانب من ندوة زينة فى اليوم السابع
زينة تحتفل بنجاح مسلسل ورد وشوكولاته
زينة تحتفل بنجاح ورد وشوكولاته فى اليوم السابع
زينة ومحمد زكريا

MENAFN04122025000132011024ID1110435659

إخلاء المسؤولية القانونية:
تعمل شركة "شبكة الشرق الأوسط وشمال أفريقيا للخدمات المالية" على توفير المعلومات "كما هي" دون أي تعهدات أو ضمانات... سواء صريحة أو ضمنية.إذ أن هذا يعد إخلاء لمسؤوليتنا من ممارسات الخصوصية أو المحتوى الخاص بالمواقع المرفقة ضمن شبكتنا بما يشمل الصور ومقاطع الفيديو. لأية استفسارات تتعلق باستخدام وإعادة استخدام مصدر المعلومات هذه يرجى التواصل مع مزود المقال المذكور أعلاه.

Date

2025-12-04 04:15:56