Friday, 30 July 2021 04:53 GMT

يسرا: السوشيال ميديا عملت نجوم فى 5 دقايق بدون تعب واتعرض عليا أعمل فوازير ورفضت

(MENAFN - Youm7) حلت النجمة يسرا ضيفة في برنامج "مساء " مع الإعلامى رامى رضوان، المذاع على قناة Dmc، وتحدثت عن فيلمها الجديد "ليلة العيد"، قائلة: "عجبتنى فكرة الفيلم وصورنا في جزيرة الدهب وجزيرة بين البحرين، واللوكيشن جميل جدا، ومعايا فريق عمل رائع سيد رجب، أحمد خالد صالح، وهنادى مهنا، نجلاء بدر، عبير صبرى، سميحة أيوب، والفيلم بيتكلم عن قهر المرأة وازاى بتعول والطاقة اللى بتجيلها من القهر ممكن تعمل ايه، وكله بيحصل في ليلة العيد".

وعن السوشيال ميديا قالت يسرا: "الناس بتستخدمها غلط، واللى نفسه يشتم بيشتم، مع إن المفروض استخدامها يكون تستفيد من معلومة أو الناس تتكلم مع بعض، وكمان السوشيال خلى فنانين بقيت نجوم في 5 دقايق وتاريخهم الفني مفيش ولا تعبوا ولا حاجة، ده أنا كنت بدهن الحيطة مع يوسف شاهين في الاستوديو وكنت مبسوطة"، فالسوشيال بتدى فرص لناس تستحق وفرصة لناس لا تستحق".

وأضافت يسرا: "اتعرض عليا إنى أعمل فوازير زمان، ورفضت وعمرى ما حسيت إنى ممكن أعمل فوازير، لكن أحب أتفرج عليها جدا، وأنا واحشنى أشوف فوازير رمضان وأشوف الاستعراضات، وفرحانة جدا بمسرحية شريهان وشايفة إن فيها شغل حلو".

 


 

 


 

 


 

 


 

 


 

MENAFN21072021000132011024ID1102490179


إخلاء المسؤولية القانونية:
تعمل شركة "شبكة الشرق الأوسط وشمال أفريقيا للخدمات المالية" على توفير المعلومات "كما هي" دون أي تعهدات أو ضمانات... سواء صريحة أو ضمنية.إذ أن هذا يعد إخلاء لمسؤوليتنا من ممارسات الخصوصية أو المحتوى الخاص بالمواقع المرفقة ضمن شبكتنا بما يشمل الصور ومقاطع الفيديو. لأية استفسارات تتعلق باستخدام وإعادة استخدام مصدر المعلومات هذه يرجى التواصل مع مزود المقال المذكور أعلاه.