Tuesday, 27 July 2021 03:27 GMT

راغب علامة يكشف عن علاقته بإخوته ونصائح ابنه خالد له.. صور

(MENAFN - Youm7) حل النجم راغب علامة ضيفا في برنامج "سهرانين" تقديم الفنان والإعلامي أمير كرارة، المذاع على قناة ، وتحدث عن علاقته بإخوته، قائلا: "احنا 8 أولاد 5 شباب و3 بنات، وكنا عايشين في غرفتين نوم وغرفة لوالدى ووالدتى، وكنا مبسوطين جدا، ورغم حاليا احنا في قصور لكن اللمة كانت لها طعم مختلف، وكان فيها بركة".

وأضاف راغب علامة: "كل حاجة كانت فيها بركة يعنى سواء وقت المدرسة أو في العيد، كانت والدتى بتشترى ملابس العيد وكنا اللبس اللى يبقى أصغر على حد فينا اللى بعده يلبسه من الكبير حتى الصغير، وكل شيء كان في بركة".

وتابع راغب علامة: "والدتى لما كانت بتولد أختى لينا، كانت وقتها في الشهر التاسع وبتمسح الأرض، فندهت على أخويا وهى واقفة ساندة على الباب قالتله روح جيب تيتة وقولها ماما هتولد دلوقتى، وستى هي كانت الداية لوالدتى، وكان عمرى وقتها 10 سنوات واتعلقت بأختى لينا، وبعتبرها بنتى لأن أنا اللى كنت باخد بالى منها علطول".

وعن ابنه قال راغب علامة: "خالد ابنى متكلمش خالص في موضوع دخوله لمجال الفن، وهو عنده شركة طبية، وهو رياضى وصحى جدا وبيخلينى أمشى على نظام صحى بس أوقات باكل حاجات من وراه، يعنى أنا أحلى ساندوتش بالنسبة ليا عيش سخن مع بطاطس مقلية وطماطم ونعناع وزيت زيتون، دى مقدرش أكلها وخالد ابنى مش موجود، بس في نفس الوقت بهتم بصحتى".

 




راغب علامة ضيف سهرانين

 




راغب علامة

 




راغب علامة وامير كرارة

 




امير كرارة

 




امير كرارة وراغب علامة

 




النجم راغب علامة

MENAFN21072021000132011024ID1102489586


إخلاء المسؤولية القانونية:
تعمل شركة "شبكة الشرق الأوسط وشمال أفريقيا للخدمات المالية" على توفير المعلومات "كما هي" دون أي تعهدات أو ضمانات... سواء صريحة أو ضمنية.إذ أن هذا يعد إخلاء لمسؤوليتنا من ممارسات الخصوصية أو المحتوى الخاص بالمواقع المرفقة ضمن شبكتنا بما يشمل الصور ومقاطع الفيديو. لأية استفسارات تتعلق باستخدام وإعادة استخدام مصدر المعلومات هذه يرجى التواصل مع مزود المقال المذكور أعلاه.